الجواز ده كله رسم فى رسم
عارف هتسألنى ازاى؟
تلاقي الراجل بيتجوز واحده زكائها اقل منه علشان يرسم عليها دور العبقرى لانه بغبائها يضمن احتياجها له ولذكائه وحسن تصرفه فى المواقف الحياتيه
المهم انه يكون فيها نقص فى اى شئ
ذكاء
طول
مقاس جزمتها يضحك
لما بتتكلم شفايفها بتدور فى الهواء زى الكوتش
المهم يكون فيها عيب والسلام
لان ده اللى هيحسسه برجولته
ايون ..امال هو هيكون راجل ازاى إلا اذا كان متفوق عليها فى النقص ده
ويفضل كده ذاللها العمر كله ان عطف عليها واتجوزها
فاكرين فيلم الرجال لا يتزوجون الجميلات
لما بطل الفيلم اتخانق مع مراته او طلقها لانها عملت عملية تجميل فى انفها الطويل
لانها كده اصبحت جميله وكل الرجاله هيبصولها
وهى بعد ما كانت فرحانه بالفتى الاول الدنجوان اللى كانت متجوزاه
هتبوصله وتقول : يا حسره انا كان ليه بس استعجلت واتجوزتك
انا عارفه اخدتك على ايه..لو بس هو النصيب الاعمى
الغريب والعجيب يقول ابن الشنكوتى فى كتاب يا وحشة يا بلحه يا معطنه اتجوزتى قبل اخواتك الاربعه
ان الجوزه السعيده هى التى تشعر بنقص وحاجتها الدائمه الى سبع البرومبه جوزها علشان يكمل النقص ده وتفتخر به ازاى هى يا معيوبه قدرت تسد العيب ده بحيطه ..قصدى براجل والسلام
وكايده العزال انا من يومى ..ايوه اه
طبعا فيه ناس(اخوات) هتقول الراجل اللى يفكر كده يبقى مريض وناقص
يا ستى ..ده الموجود فى السوق انا كان عاجب
هناك ١٥ تعليقًا:
ana moooot mn kotr 2l di7k,ana a3da msh a2dra mn 2l di7k,ana 2aretha 2 mn kotr ma 3agbanyy
to7fa to7fa bgd,bs tab3n msh hya dih 2l rogola tab3an,dah 2l mafroud ano ye5aliha a7la wa7da we ykaml 2l na2s dah be7obo we 7anaano msh be3'aba2o :))
3ayza ashouf 2l ziyara 3ala toooool 3ala medawanty ,lazm :)
اهلا رورو
منوره البوست والمدونه كلها ومدونات الجيران كمان
وسمعنى احلى سلام : جانا الهوى جانا..لاول تعليق يجلينا فى المدونه المجهوله
الواكع ان كل جوزه بتحب ان جوزها يكون احسن وافضل واحد فى الدنيا وانه يكون احسن منها
انما الراجل مش بيحب مراته تكون ازكى منه مثلا او انها تكون مثاليه اكتر منه لان فيه رجاله بتحس بنقص لما يشوف الست بتاعه يا خواجه رورو اخسن منه فى خاجات كتير
ونورتينا كمان مره ..على كده انتى بتدفعى فاتوره كهرباء كبيره علشان النور بتاعك ده
شكرا ليكى وانا زرت مدونتك بجد جميييييييله والله
الموضوع ده فعلا مهم جدا
وعلى فكره من اسباب زياده نسبه العنوسه هو ان البنات بقت متعلمه زياده عن اللزوم فالراجل مش قادر يلاقى نقطه نقص وعشان كده بيختار واحده اقل فى التعليم عشان يرضى غروره
بوست هايل بجد
اة يافقري
هو بجد الرجالة بتفكر كدة
ياسنة سوخة يا ولاد
لما اروح اسأل زوجي هو صحيح اتجوزني علشان ناقصة
وقعتة مش فايتة لو كان دة صح
عن اذنك هاروح استعد لخناقة زوجية
سلام
la la la msh 3ayza ta25ir ,3ayza ashouf mawade3 taniya 3ala 2l blog 2l to7fa dh :)
we 2l ta3li2at haaa balsh nadala:)
اهلا شمعة امل
منوره البلوج ههههه
فعلا احيانا بيكون تعليم البنت عائق بيمنع البعض انه يتقدملها خاصة لو كانت هى درست فى كليات القمه
حتى لو كان هو كمان خريج جامعه
بس برضه صعب ان يبقى هو فلان وتيقى مراته الدكتوره راحت الدكتوره جات او الباشمهندسه راحت او جات
للاسف الرجل الشرقى اتربى انه لازم يكون متفوق فى كل شئ
الاخت شاهى
ابقى سلملى على جوزك يا اسماعيل بيه
هههههههههههه
بالراحه على الراجل ..وامانه عليكى ما تعرفيه سكتى احسن ييجى يقول انت السبب
على فكره زى ما فى البوست الراجل اللى يفكر فى الاسلوب ده بيبقى هو اللى مريض وناقص
بس للاسف اغلب الرجاله بيفكروا كده
ودمتم
اوكى يا رورو
ان شاء الله مايكونش فيه تقصير
وهتشوفى جديد ان شاء الله
قريبا على مدونة يا مسافر وحدك ..ابقى قابلنى ههههه
2h koul 2l ta25iir dh
لما بقول لوالدتي عشان كده مبتجوزش مش مصدقة .. شفت بأه بس بجد هو لازم الراجل فعلا يكون أعلى من الست شوية أمال تسلم له قيادة حياتها ازاي لو شايفة انه أأقل في التفكير والصرف والنحو وكده يعني
أو على الأقل في نفس المستوى بجد دي مشكلة اذا ربنا كرمني بصراحة لا حثقف البنات ولا حعلمهم ولا حفقهم أكتر من اللازم عشان يتجوزوا الصبيان ماشي يفكوا أزمة بنات تانية مثقفة بس بناتي الاعدادية كفاية
شكرا يا ال جى
رأيك ده عبقرى ودماااااغ
عايز قعدة وكوباية شاى من الاستراحة
ياريت تعملى بوست توضحى فيها اففكارك الشعنونه دى
على فكرة كل كلامي جد حتى الهزار ربنا يسامحك على كلمة الشعنونة
اجرى يا بتاعة الاعدادية
بصى هو الذكاء الحقيقى ان الست تبين للراجل ان هو القائد وهو سبع الليل وسبع الرجال
بينما الحقيقة ممكن تكون غير كده
يعنى الست الذكية هى اللى تعرف تمشى كلمتها وتفهم جوزها ان دى كلمته هو ورأيه هو رغم انه اصلا اصلا مش بيعرف يفكر
بمناسبة بناتى الاعدادية كفاية
واحد زميلى معاه اداب فلسفة
وشغال بياع فى مكتبة ففيه بنت فى الاعدادية جت تشترى حاجه فشاف انها متضايقه فقالها مالك
قالت له انت محتاج شهر علشان تفهم اللى فى دماغى
ومن وقتها واحنا بنضحك عليه
حته مفعوصة فى الاعدادية بتقوله انت محتاج شهر علشان تفهم اللى فى دماغى
وسبب ضحكنا عليه فى الحقيقة هو اننا عارفين انه محتاج سنه علشان يفهم اى حاجه لانه فى الطراوه على الاااااخر
ومين قال ان هي عايزة تمشي كلمتها وحضرتك تضع اطار للست المتخابثة ان لم تكن خبيثة فأين تذهب الانسانة الواضحة الصريحة للنار مش كده
جريت وبعدت ولا اعدادية ولا ابتدائي
شكرا على الرد وأتمنى يكون هزار اللي مبفهمش فيه قوي
لما ارجعلك لينا كلام تانى
إرسال تعليق